मृत्यु

पोखरीमा माछा चोरी गर्ने क्रममा करेन्ट लागेर २ व्यक्तिको मृत्यु

चितवन, १५ भदौ। चितवनको भरतपुर–८ मा माछा पोखरीमा करेन्ट लागेर स्थानीय दुई जनाको मृत्यु भएको छ । मृत्यु हुनेमा स्थानीय ३५ वर्षीय नवराज दराई र निरब राना रहेका छन् । जिल्ला प्रहरी कार्यालय चिवतनका प्रवक्ता प्रहरी नायब उपरीक्षक सूर्यबहादुर थापाका अनुसार रातिको समयमा करेन्ट लागेर उनीहरुको मृत्यु भएको हो ।

पोखरी भाडामा लिएर माछा पाल्नेहरुले माछा चोरी भएपछि छोडेको बिद्युतीय तारबारमा उनीहरुलाई करेन्ट लागेको थापाले जानकारी दिए । मृतकहरुको साथमा जालसमेत रहेको प्रहरीले जनाएको छ । घटना सम्बन्धमा थप अनुसन्धान भइरहेको उनले बताए ।

यो पनि पढ्नुहोस

चितवनको भरतपुर अस्पतालमा उपचाररत एक पुरुषको कोरोना सङ्क्रमणबाट आज मृत्यु भएको छ । अस्पतालको कोभिड–१९ क्लिनिकल टिमका संयोजक डा प्रमोद पौडेलका अनुसार भरतपुर महानगरपालिका–६ का ७८ वर्षीय वृद्धको कोरोना सङ्क्रमणका कारण मृत्यु भएको हो ।

भदौ २ गते कोरोना सङ्क्रमण पुष्टि भएका उनलाई सास फेर्न समस्या भएपछि ६ गते उपचारका लागि भरतपुर अस्पतालको कोभिड सघन उपचार कक्षमा भर्ना गरिएको थियो । उनको आज बिहान ७ः२० मा मृत्यु भएको पौडेलले जानकारी दिए ।

योसँगै कोरोनाका कारण चितवनमा १३ जनाको मृत्यु भइसकेको छ । मृत्यु हुनेमा चितवनका छ जना रहेका छन् । तीमध्ये एक जनाको घरमै मृत्यु भएको हो भने अन्यको अस्पतालमा मृत्यु भएको थियो । यस्तै मकवानपुरका तीन, कैलाली, गोरखा, बारा र सुस्ता पूर्व नवलपरासीका एक÷एक जना रहेका छन् ।

यता बुटवलमा कोरोना अस्पतालको आईसीयुमा बेड नहुँदा मृतकको संख्या बढ्ने देखिएको छ । बुटवलको धागो कारखानामा सञ्चालित कोरोना विशेष अस्पतालमा १७ वटा आईसीयू बेड छ । तर सबै लक्षण भएका संक्रमितले भरिएका छन् ।

त्यहाँ थप संक्रमित राख्ने अवस्था छैन । अन्य रोगबाट ग्रसित बिरामी राख्नेसमेत ठाउँ छैन । बेड अभाव भएकाले अन्यत्र रिफर गर्ने गरेको अस्पतालका कोरोना फोकल पर्सन डा. सुदर्शन थापाले जानकारी दिए ।

तत्काल एम्बुलेन्स उपलब्ध नहुने, अर्को अस्पताल पुर्‍याउन समय लाग्ने जस्ता समस्याले बिरामीको ज्यान जाने जोखिम हुने गरेको डा. थापा स्वीकार गर्छन् । रुपन्देहीकै भीम अस्पतालमा पनि ५ वटा आइसीयू बेडका उपकरण जडान भएपनि जनशक्ति नहुँदा सञ्चालनमा आउन सकेको छैन ।

संक्रमित थपिएसँगै आईसीयू बेड अभाव खड्किएकाले प्रदेश सरकारले तत्काल आईसीयू र भेन्टिलेटर सहितका बेड थप गर्नुपर्ने कोरोना सरोकार नागरिक अभियन्ताहरुले माग गर्दै आएका छन् ।

सामाजिक विकास मन्त्रालयले प्रदेशमा आईसीयू र भेन्टिलेटर थप गर्न सवा अर्बको बजेट माग गर्दै मन्त्रिपरिषदमा पेश गरेपनि स्वीकृत भएको छैन ।

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

Leave a Reply

Your email address will not be published. Required fields are marked *

×

ताजा अपडेट छिटाे जानुहाेस्

×

ताजा अपडेट छिटाे जानुहाेस्