फेवातालमा बढे पर्यटक, दैनिक ३५ वटा डुंगा संचालनमा

पोखराको फेवाताल

पोखरा, २३ कार्तिक । पोखराको फेवातालमा डुंगा सञ्चालनमा आएपछि पर्यटकहरुको चहलपहल पनि बढेको छ । गत असोज दुई गतेबाट सञ्चालनको अनुमति पाए पनि सुरुवाती दिन भन्दा अहिले आन्तरिक पर्यटकहरुको चहल पहल बढिरहेको हो ।

फेवातालमा अहिले दिनकै दुई सय भन्दा बढी पर्यटकहरु रमाउने गरेका छन् । विगतभन्दा संख्यात्मक हिसाबले कम भए पनि लकडाउन पछिको अवस्थामा आन्तरिक पर्यटन केही सन्तोषजनक छ । अहिले फेवातालमा दैनिक ३५ वटा डुंगा संचालनमा छन् ।

फेवातालमा सयर हुने पर्यटक र अन्य डुंगा चालकहरुले स्वास्थ्य सुरक्षाका मापदण्ड अनिवार्य पालना गर्नुपर्ने हुन्छ । साबुन पानीले हात धुने र मास्क अनिवार्य गरिएको छ । तापक्रम नापेपछि लाइफ ज्याकेट लगाएर डुंगामा बस्न दिइने फेवा डुंगा व्यवसायी संमितिले जनाएको छ ।

प्रयोगमा आइसकेका लाइफ ज्याकेटलाई स्यानीटाइजर गरेर पुनः प्रयोगमा ल्याइने गरिएको छ । विगतका वर्षहरु जस्तै फेवातालमा आन्तरिक तथा बाह्य पर्यटकहरु भित्र्याउन पोखराका पर्यटन व्यवसायीहरु एकजुट भएका छन् ।

पोखराको फेवाताल
तपाईंको प्रतिकृया जनाउनुहोस् :-

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

सम्बन्धित खबर

×

ताजा अपडेट छिटाे जानुहाेस्