अस्ट्रियामा दोस्रो पटक देशव्यापी लकडाउन घोषणा

अस्ट्रिया

अस्ट्रियाले दोस्रो पटक देशव्यापी लकडाउन घोषणा गरेको छ। रात्रिकालीन कर्फ्यू पछि दोस्रो पटक लकडाउन घोषणा गरेको छ । दोस्रो पटकको लकडाउन साढे दुई साताका लागि चान्सलर सेबास्टियन कुर्जले घोषणा गरेका हुन् ।

मंगलबारबाट लागू हुने नयाँ व्यवस्थापछि विद्यालयहरू बन्द हुने बताइएको छ। तर भर्चुअल माध्यमबाट पढाइ भने सुचारु हुने चान्सलर कुर्जले बताए । अस्ट्रियामा शुक्रबार ९ हजार ५८६ नयाँ संक्रमित भेटिएका थिए। त्यस्तै शनिबार ७ हजार ६३ जना भेटिएका छन् भने ८५ कोरोना संक्रमितको मृत्यु भएको छ।

यससँगै हालसम्म अस्ट्रियामा १ लाख ९८ हजार कोरोना संक्रमित भेटिएका छन् भने १ हजार ७४६ संक्रमितको मृत्यु भइसकेको छ । पछिल्लो समय युरोपियन मुलुकमा दोस्रो लहरको कोरोना संक्रमण तीव्र फैलिएसँगै विभिन्न मुलुकले पुनः लकडाउन घोषणा गरेका छन् । एजेन्सी

अस्ट्रिया
तपाईंको प्रतिकृया जनाउनुहोस् :-

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

सम्बन्धित खबर

×

ताजा अपडेट छिटाे जानुहाेस्