मालिका गाउँपालिकाद्धारा विद्यालय खुलाउने निर्णय

विद्यालय

म्याग्दी, ८ मंसिर । मालिका गाउँपालिकाले कोरोनाको कारण बन्द रहेका विद्यालय खुलाउने निर्णय गरेको छ । गाउँपालिकाको कार्यालय दरबाङमा आइतबार बसेको कार्यपालिकाको बैठकले पालिका भित्र कोरोना कारण बन्द भएका विद्यालय सोमबारदेखि सुचारु गराउन पाउने निर्णय गरेको हो ।

कोरोना महामारीको कारण गत चैतदेखि बन्द रहेका विद्यालय स्वास्थ्य मापदण्ड पालना गर्दै विद्यार्थीलाई भौतिकरूपमै कक्षाकोठामा शिक्षण सिकाइ क्रियाकलापमा सहभागी गराउने गरी विद्यालय खुलाउने निर्णय गरिएको गाउँपालिकाका अध्यक्ष श्रीप्रसाद रोकामगरले बताए ।

यसैगरी, सोमबारदेखि प्रत्येक विद्यालयमा विद्यार्थीको स्वास्थ्य अवस्था बुझ्न शिक्षक मध्ये एक जनालाई स्वास्थ्य फोकलपर्सन तोक्ने र फोकलपर्सनले विद्यार्थीको स्वास्थ्य अवस्था एवम् विद्यालयको दैनिक गतिविधिबारे गाउँपालिकामा जानकारी गराउनुपर्ने गाउँपालिकाका शिक्षा अधिकृत अशोक रिजालले जानकारी दिए ।

यसअघि गाउँपालिकामा वैकल्पिक सिकाइ सहजीकरण संचालन गरिएको थियो । यसअघि संचालन गरिएको वैकल्पिक सिकाइ सहजीकरण प्रभावकारी नभएको तथा शिक्षक र विद्यार्थीलाई समस्या भएको गाउँपालिकाका शिक्षा अधिकृत रिजालको भनाइ छ । उनका अनुसार विद्यालयमा सदाझैं बिहान १० देखि ४ बजेसम्म पठनपाठन हुनेछ ।

तपाईंको प्रतिकृया जनाउनुहोस् :-

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

सम्बन्धित खबर

×

ताजा अपडेट छिटाे जानुहाेस्