प्रजातन्त्र र स्वतन्त्रतामा अमेरिकाको लागि चीन सबैभन्दा ठूलो खतरा: अमेरिकी गुप्तचर जोन र्‍याटक्लिफ

जोन र्‍याटक्लिफ

अमेरिकी गुप्तचर प्रमुख जोन र्‍याटक्लिफले चीन ‘प्रजातन्त्र र स्वतन्त्रताका लागि सबैभन्दा ठूलो खतरा’ भएको आरोप लगाएका छन् ।
द वाल स्ट्रीट जर्नलमा लेख्दै जोन र्‍याटक्लिफले दोस्रो विश्वयुद्धयता चीनले आफ्नो प्रभाव बढाउँदै लगेको र आर्थिक र सूचनाको जासुसीमा संल्गन भइरहेको उनले बताए ।

प्रत्येक वर्ष ५०० अर्ब डलर बराबरका अमेरिकी बौद्धिक सम्पत्ति चोरी हुने गरेको र्‍याटक्लिफले बताउँदै उनले भने,’ अमेरिकी प्रतिस्पर्धी कम्पनीबाट सूचना चोरेर एउटा चिनियाँ विन्ड टर्बाइन कम्पनी विश्व बजारमा गएकोमा दोषी पाइएको छ ।’

अमेरिकाले जस्तै अरू देशले पनि चीनबाट चुनौती खेप्नुपरेको उनको भनाइ छ। ‘विश्व वरीयतामा आफू सबैभन्दा माथि हुन चीन चाहन्छ, त्यसका लागि उ विश्वभर नै स्वतन्त्रताको गतिलाई उल्टाउन चाहन्छ,’ उनले भने ।

बेइजिङले अमेरिकासँग मुठभेडको तयारी गरिरहेको र ‘आर्थिक, सैनिक तथा प्राविधिक रूपले’ विश्वमाथि नै हावी हुन अघि बढिरहेको र्‍याटक्लिफले बताएका छन्।

चीनले अमेरिकाका साझेदारहरूमाथि दबाव बढाउँदै लगेको बेला र्‍याटक्लिफका यी टिप्पणीहरू आएका छन्। चीनले अमेरिकाको पछिल्लो आरोपबारे कुनै प्रतिक्रिया दिएको छैन।

तपाईंको प्रतिकृया जनाउनुहोस् :-

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

सम्बन्धित खबर

×

ताजा अपडेट छिटाे जानुहाेस्