सरकारले अध्यादेश ल्याएपछि नेकपामा हंगामा: प्रचण्डले दिए चेतावनी

prachanda

काठमाडौँ, ३० मंसिर। सरकारले संवैधानिक परिषदसम्बन्धी ऐन संशोधन गर्न ल्याएको अध्यादेशविरुद्ध नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले कडा आपत्ती जनाएका छन्। उनले अध्यादेश कुनियतले ल्याएको भन्दै तत्काल फिर्ता गर्न चेतावनी दिएका छन्।

मंगलबार बसेको मन्त्रिपरिषद् बैठकको सिफारिसमा राष्ट्रपति विद्यादेवी भण्डारीले संवैधानिक परिषद (काम, कर्तव्य र कार्यविधि सम्बन्धी पहिलो संशोधन अध्यादेश, २०७७ जारी गरेकी थिइन् । सरकारले ल्याएको उक्त अध्यादेशलाई अध्यक्ष प्रचण्डले संविधानको मूल्य मान्यता र भावनाविपरित भएको भन्दै तत्काल फिर्ता गर्नुपर्ने बताएका हुन् ।

प्रचण्डले संसद अधिवेशन बोलाउनुपर्ने बेलामा अध्यादेश ल्याउनुमा कुनियत भएको टिप्पणी समेत गरेका छन् । आज प्रधानमन्त्री केपी शर्मा ओलीले मन्त्रिपरिषद बैठकमार्फत् सिफारिश गरी राष्ट्रपति विद्यादेवी भण्डारीबाट जारी भएको संवैधानिक परिषदको काम, कर्तव्य र अधिकारसम्बन्धी ऐन संशोधनका लागि अध्यादेश आएको छ ।

योसँगै ओलीले संवैधानिक परिषदको बैठकबाट अख्तियार दुरुपयोग अनुसन्धान आयोगलगायत विभिन्न निकायमा रिक्त पदाधिकारीको नियुक्तिको तयारी गरेका छन्। नेकपाभित्र विवाद बढिरहँदा ओलीले अध्यादेशमार्फत् संवैधानिक निकायमा नियुक्तिको तयारीहरु गरेका छन् । यसले उक्त दलभित्रको विवाद चर्केको छ ।

आज मन्त्रिपरिषद बैठकले संवैधानिक परिषदको काम, कर्तव्य र अधिकारसम्बन्धी ऐन संशोधन गर्ने अध्यादेश सिफारिश गर्ने निर्णय गरेको थियो । राष्ट्रपति विद्यादेवी भण्डारीले अध्यादेश आजै जारी गरिसकेकी छिन् ।

तपाईंको प्रतिकृया जनाउनुहोस् :-

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

सम्बन्धित खबर

×

ताजा अपडेट छिटाे जानुहाेस्