नेपाली सेफ सन्तोष साह पुगे बीबीसी मास्टर सेफ प्रतियोगितामा उत्कृष्ट ४ मा

बीबीसी मास्टर सेफ, सन्तोष साह,

विश्व प्रतिष्ठित टिभी रियालिटी शो ‘बीबीसी मास्टर सेफ प्रोफेसनल्स् २०२०’ का प्रतियोगी नेपाली सेफ सन्तोष साह आफ्ना प्रतिस्पर्धीलाई पछि पार्दै उत्कृष्ट ४ भित्र पर्न सफल भएका छन् । मंगलबार राति ‘बीबीसी वान’ मा प्रसारित फाइनल राउण्डको पहिलो चरणबाट अघि बढ्दै उनी उत्कृष्ट ४ मा पुगेका हुन् ।

छ जनाबीच प्रतिस्पर्धा भएको उक्त प्रतियोगितामा दुई जना बाहिरिएसँगै सन्तोषसहित चार जना फाइनल राउन्डको लागि छानिएका हुन् । उनले यो चरणमा डिजर्टको रुपमा कोदोको खिर बनाएका थिए । यस्तै उनले आँपको कुल्फी र आँपको ‘अमौरा’ पनि बनाएर निर्णयकलाई पस्किएका थिए । त्यस्तै, निर्णायकको आग्रहमा खरायोको ‘फ्रेन्च क्लासिक डिस’ लाई उनले नेपाली भुटन स्टाइलमा तयार पारेका थिए । उनले हरेक चरणमा नेपाली परिकार बनाउँदै आएका छन् ।

‘मास्टर सेफ प्रोफेसनल्स् २०२०’ को फाइनल यही आउँदो बिहीबार बेलुका प्रसारण हुँदैछ । फाइनल राउण्ड अगाडि बुधबार साँझ बेलुका हुने अर्को चरणको प्रतिस्पर्धाबाट तीन जना फाइनालिस्ट अन्तिम प्रतिस्पर्धाका लागि छानिनेछन् ।

‘मास्टर सेफ प्रोफेसनल्स् २०२०’ को फाइनल यही आउँदो बिहीबार बेलुका प्रसारण हुँदैछ । फाइनल राउण्ड अगाडि बुधबार साँझ बेलुका हुने अर्को चरणको प्रतिस्पर्धाबाट तीन जना फाइनालिस्ट अन्तिम प्रतिस्पर्धाका लागि छानिनेछन् ।

यसअघिका प्रतियोगितामा सन्तोषले टिमुर स्पाइस्ड् अ’क्ट्प’स विथ सिस्नु र आलुको तरकारी, भाङको चट्नी र कर्कलोको पात, पोलेको भे’डाको मा’सु, ख’सीको मा’सुको झोल, बेथेको साग, गहुँको रोटी, तामाको अचार पो’लेको मा’छा, आलुको अचार, करेला र टमाटरको चट्नी तथा ढुम्रीभित्र आलुको अचार राखेर बेलायतका प्रख्यात ‘फुड क्रिटिक’ हरु टम पार्कर र ग्रेस डेन्टलाई चखाइसकेका छन् ।

सेमिफाइनल राउन्डमा सन्तोषले नेपालको हिमाली भेगमा प्रचलित शाकाहारी खाना भुटेको काँक्रोको बियाँ, बन तरुल, कटहरको भुटेको बियां, प्याजको अचार, स्याउको चट्नीजस्ता परिकार पकाएका थिए । जसलाई निर्णायकले निकै मन पराए ।

नेपाली खानालाई नेपालीले नै ‘अविश्वास र हेलाँ’ गरेको उनको गुनासो छ । नेपाली खानाले संसारभरि तहल्का मच्चाउन सक्ने सम्भावना आँफूले देखेको उनको भनाइ छ । नेपाली खानाहरु प्रस्तुत गरेपछि मास्टरसेफका निर्णायकहरुले आँफूले कहिल्यै यस्ता खाना नखाएको भन्दै सन्तोषको प्रशंसा गर्ने गरेका छन् ।

करिब दुई दशक भारतीय कुजिनमा काम गरे पनि अहिले नेपाली खानालाई विश्वसामू पुर्याउने लक्ष्य लिएर उनी अघि बढेका छन् । नेपाली खाना ओझेलमा परेको भन्दै उनले यसलाई अन्तर्राष्ट्रिय जगतमा चिनाउने अभियान थालेका हुन् ।

पूर्वी तराईको सिरहा कर्जन्हवामा जन्मिएका सन्तोष पारिवारिक एवम् आर्थिक अवस्थाका कारण सानै उमेरमा रोजगारी खोज्दै भारत हुँदै हाल विगत एक दशकदेखि बेलायतमा बस्दै आएका छन् । सन्तोष आफ्नो मिहिनेत, परिश्रम र लगनशीलताका कारण भारतको पाँचतारे होटलदेखि लन्डनको मिसेलिन स्टार सेफद्वारा संचालित रेष्टुरेन्टसम्म पुग्न सफल भएका छन् ।

नेपाली कुइजिनबाट ‘मिसिलिन स्टार’ प्राप्त गर्ने पहिलो नेपाली सेफ बन्ने सपना बोकेर उनी अघि बढेका छन् । ‘मिसिलिन स्टार’ भनेको विश्वका गुणस्तरीय र राम्रो खानेकुराको उत्कृष्ट सेवा पुर्याउने रेष्टुरेन्टलाई दिइने विशेष सम्मान तथा पहिचान हो ।

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

तपाईंको प्रतिकृया जनाउनुहोस् :-

Leave a Reply

Your email address will not be published. Required fields are marked *

ताजा अपडेट

हाम्राे फेशबुक