यूएईले दिने भयो यस्ता विदेशीलाई नागरिकता

United Arab Emirates

संयुक्त अरब इमिरेट्स (यूएई) ले होनहार विदेशीलाई आफ्नो नागरिकता दिने घोषणा गरेको छ । त्यस्ता होनहार विदेशी जसले खाडीको यो देशलाई आफ्नो योगदानले थप उत्कृष्ट बनाउन सकून् ।

यूएईका उप–राष्ट्रपति तथा दुबईका शासक शेख मोहम्मद बिन रशीद अल मकतूमले देशका नागरिक बन्ने योग्यता राख्ने क्षमतावान् विदेशीमा लगानीकर्ता, डाक्टर, इन्जिनियर, कलाकार र विशेष क्षमता भएका व्यक्तिलाई देशको नागरिकता दिइने जानकारी दिए । उनीहरुका अनुसार होनहार विदेशी र उनका परिवारका सदस्यले दोहोरो नागरिकता राख्न सक्नेछन् ।

दुबईका शासक शेख मोहम्मद बिन रशीद अल कमतूम जुन कडा शर्तसहित विदेशीलाई यूएईको नागरिकता दिने कुरा गरिरहेका छन्, त्यसमा कम आयस्रोत भएका मानिसहरु सायदै अटाउन सक्लान् । शेख मोहम्मद बिन रशीद अल मकतूमका अनुसार यसको उद्देश्य ती मानिसहरुलाई आकर्षित गर्नु हो जसले ‘हाम्रो विकास यात्रामा योगदान’ दिन सकून् ।

यसका लागि भिन्न कुनै आवेदन प्रक्रिया हुने छैन । यूएईका शाही व्यक्ति र अधिकारीले कुनै विदेशी नागरिकलाई नागरिकता दिनका लागि नामांकन गर्नेछन् । यसका लागि यूएईको त्यसलाई मञ्जुरी दिने नदिने भनेर मन्त्रीमण्डलले निश्चित गर्नेछ ।

यो पहल यस्तो समयमा गरिएको हो जब कोरोना महामारी र तेलको कम मूल्यका कारण हज्जारौं विदेशले यूएई छोडेर गइसकेका छन् । अबुधाबीबाट निस्कने पत्रिका ‘द नेशनल’ का अनुसार यो नयाँ व्यवस्थाले विशेष क्षेत्रका विशेषज्ञ र विदेशी लगानीकर्तालाई यूएईमा आफ्नो जरा गाड्ने मौका पाउनेछन् ।

बीबीसीका अरब अफेयर्स एडिटर सेबस्टियन अशरका अनुसार आर्थिक र पर्यटन केन्द्रको हिसाबले संयुक्त अरब इमिरेट्स विदेशीमा निर्भर छ । त्यहाँ बस्ने बहुसंख्यक जनसंख्या विदेशीको नै छ जो वर्कफोर्समा ९० प्रतिश भन्दा बढी छन् । विदेशी कामदारलाई धेरैजसो रिन्यूबल भिसा दिइन्छ जुन थुप्रै वर्ष सम्म मान्य रहन्छ र रोजगारसँग जोडिएको हुन्छ ।

कम आयस्रोत भएका श्रमिकले संयुक्त अरब इमिरेट्सको अर्थव्यवस्था बनाउन महत्वपूर्ण भूमिका निभाएका छन् । यी ती मानिसहरु नै हुन् जसले निर्माण, सेवा सत्कार, रिटेल र ट्राभल सेक्टरमा काम गर्छन र त्यहाँबाट कमाएको धनलाई आफ्नो घरमा पठाएर आफन्तको मद्दत गर्छन् ।

यीमध्ये धेरैजना थुप्रै वर्षदेखि संयुक्त अरब इमिरेट्समा बसिरहेका छन् तर उनीहरुले नागरिकता हासिल गर्न सकेका छन् जसका कारण उनीहरुले सामाजिक सुरक्षा सम्बन्धित फाइदा पाउँदैनन् । संयुक्त अरब इमिरेट्समा कम आयस्रोत भएकाहरुलाई सधैं नजर अन्दाज गरिन्छ भने लगानीकर्ता, विद्यार्थीका लागि लामो समयसम्म रहनका लागि प्रस्ताव दिइने गर्छ । एजेन्सी

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

तपाईंको प्रतिकृया जनाउनुहोस् :-

Leave a Reply

Your email address will not be published. Required fields are marked *

ताजा अपडेट

हाम्राे फेशबुक

Welcome Back!

Login to your account below

Create New Account!

Fill the forms bellow to register

Retrieve your password

Please enter your username or email address to reset your password.

Add New Playlist