नेपालको राजनीति रेफ्री बिनाको खेल जस्तै भयो : कमल थापा

कमल थापा

काठमाडौं, २३ माघ । राष्ट्रिय प्रजातन्त्र पार्टी (राप्रपा) अध्यक्ष कमल थापाले नेपालको राजनीति रेफ्री बिनाको खेल जस्तै भएको बताएका छन् । राजतन्त्र प्रजातन्त्रको बाधक नभएको भन्दै उनले नेपालको भूराजनीतिक अवस्थामा राजसंस्था नै प्रजातन्त्र र राष्ट्रिय स्वतन्त्रताको संरक्षक हुनसक्ने बताए ।

राजा हटाएपछि लोकतन्त्रलाई कसैले चुनौती दिन सक्दैन भन्नेहरु नै लोकतन्त्रको हत्या भयो भन्दै सडकमा गएको भन्दै उनले यस्तो बताएका हुन् । सामाजिक सञ्जाल ट्वीटरमा थापाले राजा नहुँदा नेपालको राजनीति रेफ्री बिनाको खेलजस्तै भएको उल्लेख गरेका हुन् ।

‘राजा हटाएपछि लोकतन्त्रलाई कसैले चुनौती दिनसक्दैन भन्नेहरू अहिले लोकतन्त्रको हत्या भयो भन्दै सडकमा उत्रिएका छन् । राजसंस्था प्रजातन्त्रको वाधक होइन । संविधानको परिधिभित्र राख्ने होभने नेपालको भूराजनीतिक अवस्थामा राजसंस्था नै प्रजातन्त्र र राष्ट्रिय स्वतन्त्रताको संरक्षक हुनसक्छ’, थापाले ट्वीटरमा लेखेका छन्, ‘अहिले नेपालको राजनीति रेफ्री बिनाको खेल जस्तो छ ।’

एकले अर्को नेतालाई समाप्त पार्ने प्रतिस्पर्धाले परिस्थिति नियन्त्रणबाट बाहिर गएको भन्दै उनले चिन्तासमेत व्यक्त गरेका छन् । उनले यही अवस्था रहे विदेशीको हातमा देशको बागडोर जाने खतरा औंल्याए ।

‘जसको शक्ति उसको भक्ति कायम छ।एकले अर्कोलाई समाप्तपार्ने प्रतिस्पर्धा चलेको छ । मुठभेड बढदै जाँदा राजनीतिक दलरनेताको नियन्त्रणबाट परिस्थिति बाहिर जान्छ’, उनले थप लेखेका छन्, ‘त्यो रिक्ततामा गैरराजनीतिक शक्ति र बिदेशीको हातमा देशको बागडोर जाने खतरा हुन्छ।’

थापाले परिस्थिति बिगार्न देशीविदेशी शक्ति क्रियाशील भएकोसमेत बताएका छन् । उनले यो अवस्थामा प्रधानमन्त्री ओलीको एउटा गल्ती सच्याउन अर्को खतरनाक गल्ती नगर्न आग्रह गरे । उनले राजनीतिक अवस्था बुझेर सबै नेपाली अटाउने राजनीतिक प्रणाली निर्माण गर्नुपर्नेमा जोड दिए ।

‘परिस्थिति बिगार्न देशीविदेशी शक्ति क्रियाशील छन्।एकले अर्कोलाई गलत प्रमाणितगर्ने होडमा कोहीपनि अन्धो र मतिभ्रम नबनौं।केपी ओलीको गल्ती सच्याउन अर्को खतरनाक गल्ती नगरौँ’, उनले थप लेखेका छन्, ‘यो धरातलीय यथार्थ बुझेर र विगतका कमजोरी हटाएर सबै नेपाली अटाउने राजनीतिक प्रणाली निर्माण गर्ने प्रयास गरौँ ।’ – अन्नपूर्ण पोष्टबाट

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

तपाईंको प्रतिकृया जनाउनुहोस् :-

Leave a Reply

Your email address will not be published. Required fields are marked *

ताजा अपडेट

हाम्राे फेशबुक