तपाईंको आज : २०७८ जेठ ९ आइतवारको राशिफल

राशिफल - rasifal

२०७८ जेठ ९ आइतवार, एकादशी – मोहिनी एकादशी व्रत, युग कवि शिद्धिचरण श्रेष्ठ जन्म जयन्ती – 23 May 2021

मेष – चु, चे, चो, ला, लि, लु, ले, लो, अ – अप्ठ्यारा कामको नेतृत्व लिनुपरे पनि सफलताको यश प्राप्त हुनेछ। आँटले पुरुषार्थी काम सम्पादन हुनेछ। परिस्थिति संघर्षमय रहे पनि राम्रो फाइदा उठाउन सकिनेछ। बुद्धिको उपयोगले उल्झनहरू हटाउन सफल भइनेछ। काममा शुभचिन्तकहरूले हौसला प्रदान गर्नेछन्। दाम्पत्य सम्बन्ध सुमधुर बन्नेछ। उत्तम वस्त्र, भोजन र विशेष उपहार हातलागी हुनेछन्।

वृष – इ, उ, ए, ओ, बा, बि, बु, बे, बो – विभिन्न अवसर प्राप्त भए पनि बलजफ्ती गर्ने बानीले समस्या निम्त्याउनेछ। स्वास्थ्यमा रक्तचाप, शिर वा आँखासम्बन्धी समस्याले सताउन सक्छ। सोखका विषयमा खर्च बढ्नेछ। प्रयत्न गर्दा ठूलो जिम्मेवारी हातलागी हुनेछ। तर, बलियाे शक्तिकाे आडमा काम गर्दा धाेका हुन सक्छ। अरूको भावनालाई ख्याल नगर्दा परिवारजनमा असन्तुष्टि र मित्रजनसँग वैरभाव बढ्न सक्छ।

मिथुन – का, कि, कु, घ, ङ, छ, के, को, ह – विभिन्न अवसरले पछ्याउनेछन्। मिहिनेत गर्दा नोकरीमा प्रवेश वा पदोन्नति सम्भावना छ। छोटो समयमा राम्रो फाइदा उठाउन सकिनेछ। रोकिएका काम बन्नुका साथै आयआर्जनका स्रोतसमेत बढ्नेछन्। सुखद समाचारले उत्साह ल्याउनेछ। पुरस्कार, प्रशंसा, ख्याति आदि पाइने समय छ। समाजमा प्रभुत्व जमाउन सफल भइनेछ।

कर्कट – हि, हु, हे, हो, डा, डि, डु, डे, डो – विशेष अवसर प्राप्त हुनुका साथै नयाँ काममा हात हाल्ने समय छ। आँटेको काम सम्पादन हुनेछ भने समाजमा आफ्नो प्रभुत्व बढ्न सक्छ। मनग्य लाभ हुने कामको जिम्मेवारी हातलागी हुनेछ। विशिष्ट व्यक्तिहरूसँग मित्रता बढ्न सक्छ। भूमि तथा वाहनका लागि रकम जुटाउने समय छ। खर्च लागे पनि भविष्यका लागि विशेष काममा जग बसाउन सकिनेछ।

सिंह – मा, मि, मु, मे, मो, टा, टि, टु, टे – प्रतिष्ठित काम गर्ने अवसर प्राप्त हुनेछ भने सम्पादित कामले कीर्तिमानी दिलाउन सक्छ। नोकरी वा राजनीतिमा लाग्नेहरूलाई विशेष फाइदा उठाउने समय छ। परोपकारी काम गर्नाले समाजमा ख्याति बढ्नेछ। व्यवसायले मनग्य फाइदा दिनेछ। बहुमूल्य वस्तु हातलागी हुन सक्छ। पुरस्कार, मानसम्मान आदि प्राप्त हुन सक्छ। व्यापार तथा उद्योगतर्फ लगानी बढाउने समय छ।

कन्या – टो, प, पि, पु, ष, ण, ठ, पे, पो – केही अवसर प्राप्त भए पनि व्यावहारिक कठिनाइ सामना गर्नुपर्ने देखिन्छ। शारीरिक अस्वस्थताका बाबजुद कामको दायित्व बढ्नेछ। राजनीतिक तथा सामाजिक प्रभाव कमजोर बन्नेछ। आर्थिक अभावले पनि सताउन सक्छ। स्वास्थ्यमा कब्जियत वा ढाड–कम्मर सम्बन्धी समस्याले सताउने देखिन्छ। अरूकाे भरपर्दा काममा धोका हुन सक्छ।

तुला – र, रि, रु, रे, रो, ता, ति, तु, ते – विभिन्न अवसर आए पनि भोगविलासको मानसिकताले काममा पछि परिनेछ। व्यवसाय तथा आयमूलक काममा मन्दी आउनाले अर्थअभाव देखापर्न सक्छ। खराब व्यक्तिको विश्वास गर्नाले काममा धोका पाइनेछ। सामाजिक हिसाबले पनि अलि कमजोर भइनेछ। स्वास्थ्यबाधा र रोगको पहिचान हुन कठिन हुने समस्या देखिन्छ। चोटपटक सम्भावना देखिएकाले जोखिमपूर्ण कार्यबाट सजग रहनुहोला।

वृश्चिक – तो, ना, नि, नु, ने, नो, या, यि, यु – रोकिएका काम बन्नाले उत्साह जाग्नेछ। आर्थिक पक्ष पनि सबल बन्नेछ। वर्गीय हक–हितका लागि गरिएको प्रयत्नले दिगो फाइदा दिलाउनेछ। नयाँ उद्योग वा विशेष काम सुरु गर्ने मौका छ। आर्थिक समस्या सुल्झन सकिनेछ। सुखद समाचारले आनन्द पाइएला। प्रतिस्पर्धीहरूले हात झिक्नेछन् भने काममा सहयोगीले साथ दिनेछन्। विभिन्न अवसरले पछ्याउने समय छ।

धनु – ये, यो, भ, भि, भु, ध, फा, ढ, भे – प्रयत्न गर्दा महत्त्वाकांक्षी योजना प्रारम्भ हुन सक्छ। दिगो काममा जग बसाउने समय छ। भौतिक साधनहरू पनि सजिलै जुट्नेछन्। दोस्रो सातासम्म स्थिति अनुकूल रहनेछ। तेस्राे सातापछि साझेदारीमा समस्या र सगोलको सम्पत्तिमा विवाद आउन सक्छ। नोकरी तथा व्यावसायिक काममा पनि केही चुनौती देखापर्न सक्छ। आफ्ना कमजोरीको फाइदा अरूले उठाउन सक्छन्।

मकर – भो, ज, जि, खि, खु, खे, खो, गा, गि – घर–जग्गा वा स्थायी सम्पत्तिमा विवाद आउने योग छ। कृषि र व्यापार–व्यवसायमा सामान्य फाइदा हुनेछ। बलजफ्तीले पारिवारिक असमझदारी बढाउन सक्छ। एकसाथ अनेक काम सुरु भए पनि धेरै काम अधुरै रहनेछन्। कीर्ति राख्ने महत्त्वाकांक्षाले उल्टै क्षति हुन सक्छ, सजग रहनुहोला। माता-पिताको स्वास्थ्यस्थिति कमजोर बन्नाले त्यसप्रति चिन्ता बढ्न सक्छ।

कुम्भ – गु, गे, गो, सा, सि, सु, से, सो, द – महिनाभर विभिन्न अवसर आउनाले उत्साह जाग्नेछ। प्रयत्न गर्दा लक्ष्यमा पुग्न सकिनेछ। प्रारम्भमा वादविवादमा समेत परिने योग देखिएकाले सावधान रहनुहोला। मेहनतले प्रतिस्पर्धाको दौड जिताउन सक्छ। नोकरी तथा राजनीति गर्नेहरूलाई लाभ मिल्नेछ। मान–सम्मान र पद–प्रतिष्ठा पाइने समय छ। उद्योग–धन्दामा सफलता पाइनेछ।

मीन – दि, दु, थ, झ, ञ, दे, दो, च, चि – महिनाको सुरुमा शिर वा आँखाको समस्याले सताउन सक्छ। अवसरका साथ चुनौती समेत देखा पर्ने हुँदा लगनशीलताले मात्र काम बन्न सक्छ। तापनि प्रयत्न गर्दा अप्ठ्यारै काम समेत सम्पादन हुनेछ। पढाइ, लेखन, संगीत र कलामा रुचि बढ्नुका साथै प्रतिभाको उचित कदर हुनेछ। प्रतिद्वन्द्वीलाई पछि पार्न सकिनेछ। प्रेम र मित्रताको बन्धन कसिन सक्छ।

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

तपाईंको प्रतिकृया जनाउनुहोस् :-

Leave a Reply

Your email address will not be published. Required fields are marked *

ताजा अपडेट

हाम्राे फेशबुक