दुलाहलाई कोरोना, पीपीई लगाएर विवाह

दुलाहलाई कोरोना, पीपीई लगाएर विवाह

भारतको मध्य प्रदेश स्थित रत्लमका एक जोडीलाई कोरोनाको संकटपूर्ण अवस्थामा समेत विवाह गर्न अनुमति दिइएको छ । विवाहको केही दिन अगाडि दुलाहलाई कोरोना पोजेटिभ देखिएपछि चिन्तित बनेका जोडीलाई स्थानीय अधिकारीहरुले एउटा शर्तमा विवाह गर्न दिने निर्णय गरेका हुन् ।

यसमा दुलाह दुलही सहित समारोहमा सहभागी सबैले सुरक्षाका लागि पीपीई लगाउन सहमत भएमा विवाह गर्न दिइने छलफल भएको थियो र त्यहीअनुसार दुवैले परम्परागत रितीरिवाजले विवाह गरेका हुन् ।

रत्लमका अफिसर, नविन गार्ग भन्छन् , “हामीले कोभिड पोजेटिभ भएका एक बिरामी विवाह गर्न लाग्दैछन् भन्ने सुन्यौँ । त्यसैले हामी पहिले त सो कार्यक्रम रोक्नका लागि समारोहमा पुग्यौँ । तर उनीहरुले अनेकौँ बिन्ती र अनुरोध गरेपछि अनि सुरक्षाका मापदण्ड सम्बन्धी सबै प्रक्रिया पुर्याउने वचन दिएपछि सावधानीपूर्वक विवाह सम्पन्न गरिएको हो ।” उनीहरुले सुरक्षाकर्मीको निगरानीमै विवाह गरेका हुन् ।

भारतमा कोरोनाका कारण मृत्यु हुनेको सङ्ख्या दुई लाख नाघिसकेको छ । संक्रमण दर तिव्र रुपमा बढ्दा भरिभराउ बनेका अस्पतालहरुले अहिले बिरामीहरु फर्काइरहेका छन् । बेड र अक्सिजनको अभावले उपचार थप चुनौतीमय बन्न पुगेको हो । -बिबिसी

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

तपाईंको प्रतिकृया जनाउनुहोस् :-

Leave a Reply

Your email address will not be published. Required fields are marked *

ताजा अपडेट

हाम्राे फेशबुक