शुक्लागण्डकी एफ.एम.को अध्यक्षमा ज्योती सर्वसम्मत, उत्कृष्ट कर्मचारी, स्रोता र विज्ञापनदाता सम्मानित

sukla gandaki fm

दुलेगौंडा, ५ पुष । तनहुँ मिडिया नेटवर्क प्रा.लि.द्धारा सञ्चालित शुक्लागण्डकी एफ.एम.९७.६ मेघाहर्जको छैटौ वार्षिक साधारणसभा एवम् विशेष अधिवेशनले ज्योती श्रेष्ठलाई अध्यक्षमा सर्वसम्त चयन गरेको छ ।

दुलेगौंडामा सोमवार भएको साधारणसभा एवम् विशेष अधिवेशनले अन्य पादाधिकारी र सदस्यहरु भने यथावत रहेको रेडियोले जानाएको छ । रेडियोका अध्यक्ष पूर्ण कुमार श्रेष्ठको गएको जेठमा हृदय घातका कारण असमायिक निधनपछि ज्योती श्रेष्ठले कार्यबाहक अध्यक्षको जिम्मेवारी सम्हाल्दै आउनुभएको थियो । समितिको उपाध्यक्षमा सरस्वती सिग्देल, सचिवमा ऋषेश्वर भुवाई ऋतु, कोषाध्यक्षमा शिव पौडेल, सह–सचिवमा सुरेन्द्र पौडेल रहनुभएको छ । सदस्यहरुमा बुद्धि बहादुर थापा, टिकाराम श्रेष्ठ, सुजित हिराचन, दिनेश घिमिरे, हरिलाल रिमाल, सुबासचन्द्र गिरी र राजेन्द्र पौडेल हुनुहुन्छ ।

यसअघि कार्यक्रमको उद्घाटन गर्दै नेपाल पत्रकार महासंघका केन्द्रिय परिषद सदस्य आरजु विष्ट ‘सल्यानी’ले समय सापक्षसँगै रेडियोलाई अघि बढाउनुपर्नेमा जोड दिन्भयो । अहिले समय फेरिएको छ, अरु माध्यमहरु आएका छन्, उहाँले भन्न्भयो, स्रोताले चाहेको कुरालाई रेडियो प्रसारण गरेमात्र रेडियोको प्रभावकारीता बढ्छ, ।’

रेडियोका संस्थापक अध्यक्ष नारायण श्रेष्ठले रेडियो स्थापनाको ५ वर्ष सफलतापूर्व अगाडी बढेको बताउदै आगामी दिनमा अझ प्रवाकारी ढंगबाट अगाडी बढ्नुपर्नेमा जोड दिनुभयो। रेडियोका सल्लाहकार कमलमोहन घिमिरेले स्रोताको मन जित्ने खालका कार्यक्रम ल्याएर रेडियोप्रतिको आकर्षण बढाउन सुझाव दिनुभयो ।

सोहि अवसरमा संस्थापक अध्यक्ष श्रेष्ठले पेश गरेको पूर्ण स्मृति शुक्लागण्डकी एफ।एम अक्षय कोषको नियमावली पारित गरिएको थियो । स्व.श्रेष्ठको सञ्चार, साहित्य र सामाजिक योगदानको कदर गर्दै रेडियोका शेयर धनी सदस्य र शुभचिन्तकबाट स्वस्फूर्त रुपमा स्थापित ३ लाख रुपैयाको अक्षयकोषबाट प्राप्त ब्याजबाट पत्रकारिता, साहित्य र सामाजिक सेवामा क्रियाशिल व्यक्तिलाई प्रत्येक वर्ष सम्मान गरिने उनले जानकारी दिनुभयो । कार्यक्रममा उत्कृष्ट कर्मचारी कार्यक्रम प्रमुख सावित्रा कोइराला, उत्कृष्ट स्रोता भिमाद–५, पाटनकी सजिना गुरुङलाई सम्मान गरेको हो । साथै उत्कृष्ट विज्ञापनदाताको रुपमा एमएचपी शैलुन दुलेगौंडाका सञ्चालक अब्दुल कयुम, शेयरधनी सदस्यबाट सुलभ मोबाईलका सञ्चालक राजेन्द्र पौडेल र दिर्घायु फर्निचरका सञ्चालक लक्ष्मीराज वाग्लेलाई सम्मान गरिएको थियो । रेडियोले प्रत्येक वर्ष उत्कृष्ट कर्मचारी, स्रोता र विज्ञापनदातालाई सम्मान गर्दै आएको छ ।

रेडियोका कार्यबाहक अध्यक्ष ज्योती श्रेष्ठको अध्यक्षतामा भएको कार्यक्रममा उपाध्यक्ष सरस्वती सिग्देल, सचिव ऋषेश्वर भुवाई ऋतु, प्रसारण उपसमिति संयोजक टिकाराम श्रेष्ठ, स्टेसन मेनेजर राजन उपाध्याय, उत्कृष्ट विज्ञापनदाता एमएचपी शैलुन दुलेगौंडाका सञ्चालक अब्दुल कयुम, उत्कृष्ट स्रोता भिमाद–५, पाटनकी सजिना गुरुङ लगायतले बोल्नुभएको थियो ।

प्रतिक्रिया दिनुहोस्

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

तपाईंको प्रतिकृया जनाउनुहोस् :-

Leave a Reply

Your email address will not be published. Required fields are marked *

ताजा अपडेट

हाम्राे फेशबुक