आइएमएफले कोरोना विश्वले गम्भीर आर्थिक संकटको सामना गर्नुपर्ने चेतावनी

एजेन्सी, चैत्र २८ । अन्तर्राष्ट्रिय मुद्रा कोष (आइएमएफ) ले कोरोना भाइरसको महामारीका कारण विश्वले गम्भीर आर्थिक संकटको सामना गर्नुपर्ने चेतावनी दिएको छ । आइएमएफकी प्रमुख क्रिस्टालिना जर्जियाभाले विश्वले अहिले सन् १९३० को दशक यताकै सबैभन्दा गम्भीर आर्थिक संकटको सामना गरेको बताएकी हुन् ।

उनले विश्व अर्थतन्त्रको वृद्धिदर यस वर्ष निकै नकारात्मक रहने पनि बताइन् । उनका अनुसार अहिलेको विश्वव्यापी आर्थिक संकट ९० वर्षअघिको ग्रेट डिप्रेशन जस्तै रहेको छ । सन् २०२१ मा भने विश्व अर्थतन्त्रमा केही सुधार आउनसक्ने आशा पनि उनले व्यक्त गरेकी छिन् । आइएमएफले यसैबारे आउँदो हप्ता विश्व बैंकका पदाधिकारीसँग छलफल पनि गर्दैछ ।

संयुक्त राष्ट्रसंघले यसै हप्ता सार्वजनिक गरेको अध्ययनमा कोरोना भाइरसको महामारीका कारण विश्वका ८१ प्रतिशत कामकाजीले आफ्नो काम पूर्ण वा आंशिक रुपमा गुमाएको उल्लेख छ । विश्वभर गर्नुपरेको लकडाउनका कारण लगभग सबैजसो उद्योगधन्दा बन्द गर्नुपर्दा धेरैको रोजगारी गुमेको हो । १७० भन्दा बढी देशको आर्थिक वृद्धिदर नकारात्मक हुने अनुमान आएएमएफले गरेको छ ।

तपाईंको प्रतिकृया जनाउनुहोस् :-

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

सम्बन्धित खबर

×

ताजा अपडेट छिटाे जानुहाेस्