नेपाली कांग्रेस जुम्लाका युवा नेता शाहीद्धारा ७ हजारभन्दा बढी मास्क वितरण

काठमाडौं, २८ चैत । नेपाली कांग्रेस जुम्लाका युवा नेता लक्ष्मण शाहीले जिल्लामा ७ हजारभन्दा बढी मास्क वितरण गरेका छन् । जिल्लाका विभिन्न स्थानीय तह पुगेर उनले कोरोना भाइरस नियन्त्रणका लागि स्वास्थ्य सामग्री तथा खाद्यान्न सामग्री वितरण गरेका हुन् ।

उनले आज पातालखोला र कालिकाखेतु स्वास्थ्य चौकीलाई सेनिटाइजर, सर्जिकल मास्क, डिजिटल थर्मोमिटर र ग्लोव्स उपलव्ध गराएका छन् । त्यस्तै बड्की स्वास्थ्य चौकी र प्रहरी चौकीलाई पनि आवश्यक सामग्री दिएका हुन् । स्वास्थ्य चौकी र प्रहरी चौकीमा कार्यरतहरुको जीवन झन् बढी संकट भएकाले कामकाजमा सहज होस् भनेर सहयोग गरेको उनले बताएका छन ।

स्थानीय तहको निर्वाचनमा हिमा गाउँपालिकाको अध्यक्षको उम्मेदवार बनेका उनले क्वारेन्टाइनमा बसेका तथा सर्वसाधारणका लागि राहत उपलव्ध गराएका छन् । उनले मानिसको दैनिक जीवन कष्टकर भएको भन्दै आफ्नो तर्फबाट राहत प्रदान गरेको जनाएका छन् । उनले आफ्नो सहयोगबाट जनताको जनजीवन सहज होला भन्ने सोचेको बताएका छन ।

उनले गाउँ जाँदा एकातिर सामाजिक चेतना जगाएका छन् भने अर्कोतिर आवश्यकता अनुसार राहत पनि बाँडेका छन् । उनले चैत ११ र १८ गते मास्क, सेनिटाइजर, साबुन, खाने तेल, चामललगायतका सामग्री बाँडेका थिए । उनले गाउँघरमा अप्ठेरो परेका बेला विभिन्न व्यक्ति र समुदायलाई आर्थिक तथा भौतिक सहयोग पनि गर्दै आएका छन् । उनले कोरोना भाइरस नियन्त्रणको लागि सरकारको भूमिका प्रभावकारी हुन नसकेको टिप्पणी गरेका छन् ।

तपाईंको प्रतिकृया जनाउनुहोस् :-

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

सम्बन्धित खबर

×

ताजा अपडेट छिटाे जानुहाेस्