कोरोनाको महामारीका कारण मृत्यु हुने र संक्रमितको संख्या दिन प्रती दिन थपिंदै

काठमाडौं, १ बैशाख । नोबल कोरोना भाइरस कोभिड–१९ को महामारीका कारण मृत्यु हुने र संक्रमितको संख्या दिन प्रती दिन थपिंदै गएको छ ।

पछिल्लो तथ्यांक अनुसार कोरोना भाइरसका कारण मृत्यु हुनेको संख्या १ लाख १४ हजार १ सय ९४ पुगेको छ भने संक्रमितको संख्या पनि बढेर १८ लाख ५२ हजार ३ सय ५६ पुगेको छ । संक्रमित मध्ये साढे ५० हजार गंभीर अबस्थामा छन् ।

संक्रमितमध्ये ४ लाख २३ हजार ३ सय ८ जना उपचारपछि निको भएका छन् । सबैभन्दा बढी संक्रमित अमेरिकामा छन् । अमेरिकामा ५ लाख ६० हजार ४ सय २ जना संक्रमित हुँदा २२ हजार १ सय ५ जनाको मृत्यु भएको छ । पछिल्लो २४ घण्टामा त्यहाँ १५ सय बढीको मृत्यु भएको छ ।

स्पेनमा १ लाख ६६ हजार ८ सय ३१ जना संक्रमित हुँदा १७ हजार २ सय ९ जनाको मृत्यु भएको छ । त्यसैगरी इटालीमा संक्रमितको संख्या १ लाख ५६ हजार ३ सय ६३ पुगेको छ । त्यहाँ १९ हजार ८ सय ९९ जनाको मृत्यु भएको छ । फ्रान्समा १ लाख ३२ हजार ५ सय ९१ जना संक्रमित हुँदा १४ हजार ३ सय ९३ जनाको मृत्यु भएको छ ।

जर्मनीमा १ लाख २७ हजार ८ सय ५४ जना संक्रमित भएका छन् । मृतकको संख्या ३ हजार २२ जनाको मृत्यु भएको छ । बेलायतमा ८४ हजार २ सय ७९ जना संक्रमित छन् भने १० हजार ६ सय १२ जनाको मृत्यु भएको छ । भारतमा ९ हजार २ सय ५ जना संक्रमित हुँदा ३ सय ३१ जनाको मृत्यु भएको छ । त्यसैगरी पाकिस्तानमा संक्रमितको संख्या ५ हजार २ सय ३० पुग्दा ९१ जनाको मृत्यु भएको छ ।

तपाईंको प्रतिकृया जनाउनुहोस् :-

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

सम्बन्धित खबर

×

ताजा अपडेट छिटाे जानुहाेस्