पूर्वाधार विकास कार्यक्रमको रकम कोरोना कोषमा पठाउने निर्णयप्रति विरोध

नेकपा

काठमाडौं, ६ बैशाख । नेकपाका सांसदहरुले निर्वाचन पूर्वाधार विकास कार्यक्रमको रकम कोरोना कोषमा पठाउने निर्णयप्रति विरोध जनाएका छन् । पूर्वाधार विकास कार्यक्रमको रकम कोषमा जम्मा गर्न कार्यव्यवस्था परामर्श समितिले दिएको सहमतिप्रति नेकपाका सांसदले विरोध जनाएका हुन् ।

पूर्वाधार कार्यक्रम सांसदले आ–आफ्नो निर्वाचन क्षेत्रमा खर्च गर्न पाउने कोष हो । संसद्को दैनिक कामकारबाहीबारे परामर्श गर्ने समितिले आफ्नो क्षेत्राधिकार बाहिर गएर रकम पठाउन सहमति दिन नसक्ने सांसदहरुले बताएका छन् । सभामुख अग्निप्रसाद सापकोटाको अध्यक्षतामा गत मंगलबार बसेको समितिको बैठकले यो वर्षको खर्च नभएको रकम कोरोना भाइरस संक्रमण रोकथाम, नियन्त्रण तथा उपचार कोषमा पठाउन सहमति दिएको थियो ।

नेकपाका प्रत्यक्ष निर्वाचित २४ जना सांसदले निर्णयप्रति असहमति जनाएका हुन् । उनीहरूले पूर्वाधार रकम कोरोना कोषमा पठाउनुपर्ने नेकपा प्रवक्ता नारायणकाजी श्रेष्ठ र कांग्रेस सांसद गगन थापाका अभिव्यक्तिप्रति पनि छलफलमा असन्तुष्टि जनाएका थिए । कोरोना रोग रोकथाम तथा नियन्त्रण उच्चस्तरीय समन्वय समितिका संयोजक उपप्रधानमन्त्री ईश्वर पोखरेललाई भेटेरै असन्तुष्टि जनाएका छन् । उनीहरूले कोरोना महामारी फैलिएर भोकमरी वा आर्थिक संकट देखिए मात्र पूर्वाधार कार्यक्रमको बजेट कोषमा लैजान ध्यानाकर्षण गराएका थिए ।

तपाईंको प्रतिकृया जनाउनुहोस् :-

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

सम्बन्धित खबर

×

ताजा अपडेट छिटाे जानुहाेस्