जिल्ला प्रवेश गर्ने सम्पूर्ण नाका हप्तादिनका लागि बन्द

खोटाङ, ८ बैशाख । कोभिड–१९ रोकथाम तथा नियन्त्रण जिल्ला समन्वय समिति खोटाङले जिल्ला प्रवेश गर्ने सम्पूर्ण नाका हप्तादिनका लागि बन्द गरेको छ । छिमेकी जिल्ला उदयपुरमा १२ सङ्क्रमित भेटिएसँगै खोटाङ पनि उच्च जोखिममा रहेको ठहर गर्दै समितिको आइतबार बसेको बैठकले जिल्ला प्रवेश गर्ने नाका सात दिनलाई रोक्ने निर्णय गरेको हो ।

दैैनिक उपभोग्यवस्तु भित्र्याउने तथा विभिन्न बहानामा बाहिरी जिल्लाका स्थानीय बासिन्दा जिल्ला भित्रिनेक्रम बढ्दै गएकाले नाका बन्द गरिएको समितिका संयोजक एवम् जिल्ला समन्वय समिति खोटाङका प्रमुख बबि चाम्लिङले बताए ।

“नाका खुला हुँदा बाहिरी जिल्लासँगको आवतजावत जारी रहने र सङ्क्रमण फैलिन सक्ने सम्भावना बढी देखिएको छ”, उनले भने, “विश्वभर महामारी फैलिएको कोरोना भाइरस नियन्त्रण गर्न जिल्ला प्रवेश गर्ने सम्पूर्ण नाका शिलबन्दी गरिएको हो ।” रासस

तपाईंको प्रतिकृया जनाउनुहोस् :-

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

सम्बन्धित खबर

×

ताजा अपडेट छिटाे जानुहाेस्