कोरोना संक्रमण पुष्टि

हेर्नुहोस् यो रक्त समूह हुनेहरुलाई कोरोना संक्रमणको खतरा धेरै हुन्छ

रक्त समूह “ए” भएकाहरुलाई कोरोना संक्रमणको खतरा अत्यधिक हुन्छ । उनीहरुमा संक्रमणको स्तर गम्भीर हुनसक्छ । यो दाबी जर्नमीको कील युनिभर्सिटीका अनुसन्धानकर्ताले गरेका हुन् । उनका अनुसार अरुको तुलनामा उनीहरु संक्रमित हुने खतरा ६ प्रतिशत बढी हुन्छ ।

अनुसन्धानकर्ताले ए नेगेटिभ रक्त समूह भएका कोरोना पीडितमा डिएनएको एक विशेष हिस्सा यस्तो हुन्छ जुन यसका लागि जिम्मेवार हुनसक्ने तथ्य फेला पारेका छन् । अनुसन्धानको क्रममा यसको पुष्टि भएको हो ।

यसअघि चीनमा भएको अनुसन्धानमा पनि ए ‘नेगेटिभ’ रक्त समूह भएकाहरुमा कोरोना संक्रमणको खतरा अत्यधिक बताइएको थियो । भेन्टिलेटरको आवश्यकता पर्न सक्ने अनुसन्धानकर्ताका अनुसार ए नेगेटिभ रक्त समूह भएकाहरुलाई अक्सिजनको अत्यधिक आवश्यकता पर्न सक्छ वा उनीहरुलाई भेन्टिलेटरमा लैजानु पर्ने सम्भावना अत्यधिक हुन्छ । यसै कारण युवा र स्वस्थ व्यक्ति पनि कोरोनाद्वारा संक्रमित हुनसक्छन् वा उनीहरुको मृत्यु हुनसक्छ ।

अमेरिकामा कोरोनाका ४० प्रतिशत बिरामी युवा छन् । गत हप्ता ३० प्रतिशत युवा संक्रमित भए अमेरिकाको सबैभन्दा ठूलो स्वास्थ्य एजेन्सी सेन्टर्स फर डिजिज कन्ट्रोल एण्ड प्रिभेन्सन (सीडीसी) का अनुसार गत हप्ता अस्पताल भर्ना हुने कोरोनाका ३० प्रतिशत बिरामीको उमेर १८ देखि ४९ वर्ष थियो । रक्त समूह ए नेगेटिभमा कुन उमेर समूहका व्यक्ति सबैभन्दा बढी प्रभावित हुन्छन् यसबारे अनुसन्धानकर्ता पत्ता लगाउने कोसिसमा छन् ।

डिएनए रिपोर्टमा कमन प्याटर्न देखियो अनुसन्धानकर्ताका अनुसार इटली र स्पेनका यस्ता कोरोना पीडितका स्याम्पल लिइयो जसलाई सास फेर्न समस्या भइरहेको थियो । दुबै देशका यस्ता १६ सय १० बिरामीको जिनोम सिक्वेन्स परीक्षण गरियो । अनुसन्धानकर्ताका अनुसार उनीहरुको डिएनए रिपोर्टमा एउटा कमन प्याटर्न देखियो जुन ज्यानलाई जोखिम बढाउनका लागि जिम्मेवार हुनसक्छन् । यो रिपोर्टको मिलान कोरोनाका यस्ता २२ सय ५ बिरामीसँग गरियो जो गम्भीर रुपमा बिरामी थिएनन् ।

शोधकर्ताले डिएनएका दुई जिन यस्तो भेटे जसले १६ सय १० जनाको स्थिती गम्भीर बनाएको थियो । रक्त समूह माइनस ओमा खतरा कम अनुसन्धानकर्ताका अनुसार ओ नेगेटिभ रक्त समूह भएकाहरुलाई संक्रमणले गम्भीर रुप लिने आशंका सबैभन्दा कम छ । ए नेगेटिभ रक्त समूह भएकाहरुमा खतराको कारण प्रतिरोधी क्षमता हुनसक्छ जुन अत्यधिक सक्रिय हुँदा फोक्सो सुन्निनुका साथै अन्य अंगलाई यसरी प्रभावित पार्छ कि यी कोरोनासँग लड्नै सक्दैनन् । एजेन्सी

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

Leave a Reply

Your email address will not be published. Required fields are marked *

×

ताजा अपडेट छिटाे जानुहाेस्

×

ताजा अपडेट छिटाे जानुहाेस्