नेपालमा केहि भारतीय च्यानल पर्तिबन्ध !

hindi channel

काठमाडौँ, २६ असार। नेपाल भारतको सिमा बिबादपछि भारतीय मिडियाहरुले नेपाललाई लक्षित गरी विभिन्न आरोप प्रत्यारोप गर्ने तथा अफवा फैलाउने काम गरिरहेका छन्।

यसैबीच पछिल्लो समयमा नेपालका प्रधानमन्त्री केपी शर्मा ओली र चिनिया राजदुत होउ यान्छीको नाम जोडेर अफवा फैलाएपछी च्यानल वितरकहरुले बिहीबार साँझदेखी सरकारी स्वामित्वको दूरदर्शनबाहेक सबै भारतीय न्युज च्यानलको प्रसारण रोक्ने निर्णय भएको मेगा म्याक्स टिभीका उपाध्यक्ष ध्रुव शर्माले बताए ।

भारतीय टिभी च्यानलहरुले नेपालका बारेमा अतिरन्जित र अनर्गल प्रचार गरिरहेको र आपत्तिजनक विषयहरु प्रसारण गरेपछि ती च्यानलहरु नेपालमा नदेखिने बनाइएको शर्माले बताए । डिशहोम तथा विभिन्न केवल सेवाप्रदायक र आईपीटीभी सेवा प्रदायकहरुबाट वितरित टेलिभिजन प्रशारणमा यस किसिमको रोक लागेको हो ।

हाल नेपालमा ३० लाख टेलिभिजनका ग्राहक छन् भने सामाजिक सञ्जाल प्रयोगकर्ता करोडमाथि छन् । टेलिभिजन सेवाप्रदायकहरूले सामाजिक सञ्जाल तथा एपमार्फत समेत त्यस्ता टेलिभिजन च्यानलमाथि प्रतिबन्ध लगाउन सरकारलाई सुझाव दिएका छन् ।

युट्युव लगायतका सामाजिक सञ्जाल तथा एपहरूबाट हुने त्यस्ता च्यानलको प्रसार माथि प्रतिबन्ध लगाउने कार्य भने चुनौतिपूर्ण नै छ ।

तपाईंको प्रतिकृया जनाउनुहोस् :-

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

सम्बन्धित खबर

×

ताजा अपडेट छिटाे जानुहाेस्