प्रधानमन्त्रीको फेरि यस्तो अभिव्यक्तिले सामाजिक संजालमा चर्को आलोचना

काठमाडौं, ३० असार। सोमबार प्रधानमन्त्री केपी शर्मा ओलीले अयोध्या नेपालमा पर्ने र राम नेपाली भएको अभिव्यक्ति दिएपछि चर्को आलोचना शुरु भएको छ। प्रधानमन्त्रीले दिएको सो अभिव्यक्तिलाई लिएर सामाजिक सञ्जालहरुमा कतिले उनको समर्थन गरेका छन् त कतिले आलोचना।

सोमबार भानुजयन्तीको अवसरमा प्रधानमन्त्री निवास बालुवाटारमा आयोजित एक कार्यक्रममा बोल्दै प्रधानमन्त्री ओलीले रामको जन्म नेपालको अयोध्यापुरीमा भएको तर भारतले सांस्कृतिक अतिक्रमण गरेको अभिव्यक्ति दिएका हुन् ।

‘हामीले सीता भारतका राजकुमार रामलाई दियौं भनेर भन्दै आएका छौं। तर, हामीले सीता भारतलाई होइन, अयोध्यालाई दिएका हौं, ’ उनले भने–‘अयोध्या भनेको वीरगञ्जभन्दा अलिकति पश्मि पट्टिको गाउँ हो ।’

सामाजिक सञ्जालमा कोहिले ओलीको टिप्पणीको समर्थन गरेको पनि देखिन्छ भने कोहिले प्रधानमन्त्रीको भनाइप्रति ब्यङ्ग गरेका छन् ।

पूर्वप्रधानमन्त्री डा. बाबुराम भट्टराईले समेत ओलीको भनाईबारे ब्यङ्ग गर्दै ‘नयाँ रामायण श्रवण गरौं’ भन्दै ट्वीट गरेका छन्

त्यस्तै नेपाल कम्युनिष्ट पार्टी (नेकपा)का विदेश विभागका उपप्रमुख विष्णु रिजालले प्रधानमन्त्रिको यो बयानलाई लिएर टिप्पणी गरेका छन्।

पूर्वपरारष्ट्रमन्त्री रमेशनाथ पाण्डेले अंग्रेजीमा ट्वीट गर्दै लेखेका छन् –‘धर्म राजनीति र कूटनीतिभन्दा माथि छ । यो निकै भावनात्मक विषय हो । बेतुकका अभिव्यक्तिले लज्जित मात्र बनाउँछ । अयोध्या वीरगञ्जन नजिकै सरायु नदी कहाँ छ ?