death

गण्डकी प्रदेशमा कोरोना संक्रमणबाट मृत्यु हुनेको संख्या ६ पुग्यो

पोखरा, ०२ भदौ। गण्डकी प्रदेशमा कोरोना संक्रमणबाट मृत्यु हुनेको संख्या ६ पुगेको छ । मंगलबार पोखरा १६ का ८७ वर्षिय पुरुष र तनहुँको ब्यास १ की ५० वर्षिय महिलाको मृत्यु भएसंगै गण्डकी प्रदेशमा कोरोना संक्रमणबाट मृत्यु हुनेको संख्या ६ पुगेको प्रदेश स्स्वास्थ्य निर्देशनालय गण्डकीले जनाएको छ ।

हेपाटाइटिस, निमोनिया, सुगर, प्रेसर र मुटुको समस्याका कारण सेवा अस्तालको आइसियुमा उपचार गराइरहेकी तनहुँको ब्यास नगरपालिका वडा नं. १ कि ५० वर्षिय महिलाको हिजो राती ११:३५ बजे उपचारको क्रममा मृत्यु भएको सेवा अस्पतालका निर्देशक डा. पदम बहादुर खड्काले जानकारी दिनुभयो ।

यस्तै पोखरा स्वास्थय विज्ञान प्रतिष्ठानको इमरजेन्सी विभागमा साउनको ३२ गते गएका पोखरा १६ का ८७ वर्षिय पुरुषको मंगलबार बिहान १०:४० बजे उपचारको क्रममा मृत्यु भएको अस्पतालका निर्देशक डा. अर्जुन आचार्यले जानकारी दिनुभयो ।

यो पनि पढ्नुहोस

पोखरा लकडाउन

पोखरा, ०२ भदौ। कोरोना महामारीको जोखिम बढ्दै गएपछि कास्की जिल्लामा आज रातिदेखि यही भदौ ७ गतेसम्म निषेधाज्ञा लागु हुने भएको छ । जिल्ला सङ्कट व्यवस्थापन समिति कास्कीको आज बसेको बैठकले उक्त निर्णय गरेको सहायक प्रमुख जिल्ला अधिकारी श्रीनाथ पौडेलले जानकारी दिए ।

उनका अनुसार आज राति १२ बजेदेखि ६ दिनसम्म कास्कीमा निषेधाज्ञा जारी गरिएको हो । निषेधाज्ञाको अवधिमा खाद्य पदार्थ र औषधिबाहेक अरु सबै पसल बन्द रहने जनाइएको छ । सो अवधिमा घर बाहिर निस्कन पाइने छैन । स्वास्थ्य, सञ्चार र सुरक्षाकर्मी तथा अत्यावश्यक सामग्री ढुवानी गर्नेबाहेक जिप्रकाबाट पास नलिएका गाडी गुड्न पाउने छैनन् भने सरकारी, सार्वजनिक संस्थान, बैंक तथा वित्तीय संस्था पनि बन्द रहनेछन् ।

हिन्दू महिलाको महान् पर्व तीज र कुशे औंसी जस्ता चाडमा मानिसको भीडभाड हुने र सङ्क्रमण अझ फैलने सक्ने अवस्थालाई ध्यान दिएर निषेधाज्ञा लागु गरिएको जनाइएको छ । 

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

Leave a Reply

Your email address will not be published. Required fields are marked *

×

ताजा अपडेट छिटाे जानुहाेस्

×

ताजा अपडेट छिटाे जानुहाेस्