नेपाल प्रहरी

१७ जना प्रहरीमा कोरोना संक्रमण पुष्टि

काठमाडौं, ४ भदौ । महानगरीय ट्राफिक प्रहरी महाशाखामा कार्यरत १७ जना प्रहरी कर्मचारीमा कोरोना भाइरसको संक्रमण पुष्टि भएको छ । क्वारेन्टिनमै बसेका महानगरीय ट्राफिक प्रहरी महाशाखाका थप १७ जना प्रहरीलाई कोरोना भाइरस संक्रमण पुष्टि भएको हो ।

घर बिदामा रहेको र घरबाट आएपछि कोरोना परीक्षण गर्दा उनीहरुको कोरोना रिपोर्ट पोजेटिभ देखिएको महाशाखाले जनाएको छ । १७ जना थप भएसँगै ट्राफिक महाशाखामा कोरोना संक्रमितको संख्या ३७ पुगेको छ । प्रहरी अस्पताल, महाराजगञ्जमा गरिएको परीक्षणमा उनीहरुमा संक्रमण पुष्टि भएको हो ।

दुई दिनअघि कोरोना परीक्षणका लागि स्वाब संकलन गरी राष्ट्रिय जनस्वास्थ्य प्रयोगशाला टेकु पठाइएको थियो । उनीहरुको बिहीबार रिपोर्ट आएको हो ।

यो पनि पढ्नुहोस् :-

पोखरा, ४ भदौ । गण्डकी प्रदेशमा थप ६ जना कोरोना संक्रमित थपिएका छन् । बिहिबार बिहान प्रदेश स्वास्थ्य निर्देशनालय गण्डकीले दिएको जानकारी अनुसार थपिएका ६ जना कास्की, तनहुँ, र स्याङ्जाका रहेका छन् ।

प्रदेश क्षयरोग उपचार केन्द्र पोखरामा गरिएको परिक्षणमा पोखरा महानगरपालिका वडा नं. ५ का १४ वर्षिय परुष र १६ वर्षिय महिला, पोखरा ८ का ४२ वर्षिय एक महिला रहेका छन् । त्यस्तै भानु नगरपालिका ६ का ३७ वर्षिय पुरुष र भानु कै वार्ड नखुलेका २८ वर्षिय एक पुरुषमा कोरोना संक्रमण पुष्टि भएको स्वास्थ्य निर्देशनालयले जनाएको छ ।

यस्तै स्याङको गल्याङ नगरपालिका १ का ४० वर्षिय महिलामा पनि कोरोना पुष्टि भएको जनाइएको छ । उनिहरुलाई सम्बन्धीत जिल्लाको आइसोलेशनमा लैजाने तयारी भईरहेको निर्देशनालयका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. बिनोद विन्दु शर्माले जानकारी दिनुभयो ।

यो संगै गण्डकी प्रदेशमा कोरोना संक्रमितको संख्या १ हजार ८ सय १८ पुगेको छ ।

गीत/संगित, कला/साहित्य, खोजमुलक समाचार, स्वास्थ्य, शिक्षा तथा ज्ञानगुनका कुराहरु सबै एकै ठाउँमा पाउनको लागी दियान मिडिया सँग जोडिनुहोस् । फेसबुक Deeyan Media लाइक गर्नुहोला । युट्युबमा DeeYan MediaDeeYan Entertainment सब्स्क्राइब गर्न पनि नभुल्नुहोला ।

Leave a Reply

Your email address will not be published. Required fields are marked *

×

ताजा अपडेट छिटाे जानुहाेस्